Events

Framkvæma áhættumat fyrir viðburðinn og innleiða öryggisráðstafanir eftir þörfum. Hér fylgja dæmi um mögulegar öryggisráðstafanir en listinn er ekki tæmandi. 

• Staðsetning viðburðar
  • Skipuleggja viðburðinn í húsnæði með tilliti til flóttaleiða fyrir þátttakendur og gesti. Æskilegt er að rýmið hafi fleiri en eina flóttaleið. 

  • Velja rými sem er nægilega stórt fyrir áætlaðan gestafjölda. Mælt er með skráningu á viðburði. 

• • Eftir atvikum getur verið æskilegt að skipuleggja viðburð í rými þar sem gestir hafa ekki greitt aðgengi að púltinu/þátttakendum, eða aðlaga rýmið til að takmarka þennan aðgang. 

• • Skipuleggjandi skal kynna sér flóttaleiðir og staðsetningu neyðarbúnaðar, svo sem eldvarna- og skyndihjálparbúnaðar. 

• Samskipti
  • Skrá viðburð í viðeigandi viðburðadagatal HÍ og tryggja að tengiliður sé skráður fyrir viðburðinum. 

  • Upplýsa umsjónarmann byggingar ef þarf að gera sérstakar ráðstafanir fyrir viðburð. 

• • Upplýsa þátttakendur viðburðarins, eftir því sem við á, um möguleg mótmæli o.þ.h. svo þeir geti tekið upplýsta ákvörðun um áframhaldandi þátttöku og/eða gert eigin ráðstafanir. 

• • Fara yfir öryggisatriði svo sem flóttaleiðir og staðsetningu neyðarbúnaðar með þátttakendum og öðrum sem koma að viðburðinum. 

• • Upplýsa starfsfólk viðkomandi byggingar um viðburð og ráðstafanir eftir atvikum og ef hægt er. 

• • Ef grunur er um að viðburður verði umdeildur skal upplýsa rektor@hi.is og oryggi@hi.is um viðburð og viðbúnað. 

• Ef talin er þörf á viðbúnaði lögreglu  

  • Upplýsa lögreglu um viðburðinn og óska eftir mati hennar á þörf fyrir viðveru eða önnur viðbrögð. 

• • Ef lögregla hefur frumkvæði að því að bjóða fram aðstoð við að gæta öryggis á viðburðum skal ávallt þiggja það.  

• • Upplýsa lögreglu sérstaklega ef hótanir hafa verið settar fram. 

• • Meti lögregla viðveru sína mikilvæga er stjórn og framkvæmd öryggismála á hennar ábyrgð, með aðstoð skipuleggjenda eftir þörfum. 

• • Tilnefna tengilið við lögreglu í síma 112. 

• Upplýsa skal þátttakendur og gesti um flóttaleiðir og neyðarbúnað í upphafi viðburðar. 

• Tryggja að flóttaleiðirnar séu aðgengilegar. 

• Tryggja að ekki sé farið yfir fjöldatakmörk rýmis. 

• Tilnefndur tengiliður skal vera tilbúinn að upplýsa lögreglu um staðsetningu og aðkomu, þar með talið að taka á móti þeim við inngang og vísa þeim veginn. 

• Viðbrögð við ógnandi hegðun og ofbeldi: Upplýsa skal lögreglu um ógnandi hegðun og líkamlegt ofbeldi. Skapist alvarlegt eða yfirvofandi hættuástand á viðburði skal hringja í neyðarlínuna í síma 112 án tafar. 

Eftir viðburðinn er gagnlegt að gera endurmat.  Hvað gekk vel og hvað mætti bæta.  Mikilvægt er að skrifa þessar upplýsingar niður svo þær gagnist á næsta fundi.